ໃນທ່າມກາງບັນຍາກາດຂອງງານມະຫາກຳກິລາແຫ່ງຊາດຄັ້ງທີ່ 10 ທີ່ແຂວງ ອຸດົມໄຊ ຫາກໍ່ໄດ້ ສີ້ນສຸດລົງໃນທ້າຍປີ 2014 ທີ່ຜ່ານມາ . ຕໍ່ຈາກນັ້ນ ງານບຸນມະໂຫລານກິລາຄົນພິກາທົ່ວປະເທດ ຄັ້ງທີ່ 2 ກໍ່ໄດ້ຈັດຂື້ນໂດຍ ກະຊວງສຶກສາທິການ ແລະ ກິລາ ກົມກິລາມວນຊົນ ຮ່ວມກັບ ສະມາຄົມກິລາຄົນພິການແຫ່ງຊາດ ພ້ອມດ້ວຍ ເຈົ້າພາບ ແຂວງ ອຸດົມໄຊ ແລະ ອົງການຄົນພິການອາຊີ ເພື່ອການພັດທະນາ ສະມາຄົມຄົນພິການສາຂາ ແຂວງ , ສູນຄົນພິການຕ່າງໆ. ງານບຸນມະໂຫລານກິລາຄົນພິການທົ່ວປະເທດ ຄັ້ງທີ2 ນີ້ໄດ້ຈັດຂື້ນລະຫວ່າງ ວັນທີ່ 29-30 ມັງກອນ 2015 ທີ່ສະໜາມກິລາ ແຂວງ ອຸດົມໄຊ .ຂື້ນກ່າວເປີດພິທີງານຢ່າງທາງການໂດຍທ່ານ ຄຳແພງ ຈິດຕະວົງ ຮອງເຈົ້າແຂວງອຸດົມໄຊ ,ປະທານ ສະມາຄົມກິລາແຂວງ ແລະ ເຂົ້າຮ່ວມໂດຍທ່ານ ຄຳຫລ້າ ລິ້ງນະສອນ ເຈົ້າແຂວງອຸດົມໄຊ , ທ່ານ ຮສ.ດຣ ປະເສີດ ໂພທິສານ ຮອງ ປະທານສະມາຄົມກິລາຄົນພິການແຫ່ງຊາດ ທ່ານ ນາງ ໂຕມິໂກ ຢາຊິໂຣະ ປະທານ ອົງການຄົນພິການອາຊີ ເພື່ອການພັດທະນາ ( ຫລື ອົງການ ເອ ດີ ດີ ປີ ) ອຳນາດການປົກຄອງແຂວງ ຕະຫລອດຮອດພໍ່ແມ່ ປະຊາຊົນ  ແລະ ຄະນະນຳຄູເຝິກພ້ອມດ້ວຍ ນັກກິລາຄົນພິການໃນຂອບເຂດທົ່ວປະເທດເຂົ້າຮ່ວມຢ່າງຄຶກຄື້ນມ່ວນຊື່ນ. ເພື່ອໃຫ້ງານໃນຄັ້ງນີ້ມີບັນຍາກາດ ແລະ ມີຄວາມໜາຍ ທາງຄະນະຈັດງານໄດ້ກຳນົດ 3 ປະເພດກິລາ ແຂ່ງຂັນເຊັ່ນ : ຕີດອກປີກໄກ່ , ເປຕັ່ງ ແລະ ແກ່ວງຈານ ພ້ອມດ້ວຍ 3 ປະເພດກິລາສາທິດເຊັ່ນ: ບານບ້ວງລໍ້ເລື່ອນ ບານສົ່ງນັ່ງ ແລະ ໂກນບອນ . ເຊິ່ງ ນິກິລາຄົນພິການມາຈາກ 18 ພາກສ່ວນທົ່ວປະເທດ ຄື: ນັກກິລາ ຈາກ 14 ແຂວງ ແລະ 4 ສູນທີ່ມີຄະນະນຳ ເປັນຕົ້ນ ຄູເຝິກ ແລະ ນັກກິລາ ລວມທັງໜົດ 219 ຄົນ ຍິງ 40 ຄົນ ໃນນັ້ນ 139 ຄົນແມ່ນນັກກິລາຄົນພິການ . ຜ່ານການແຂ່ງຂັນກິລາ ໃນໄລຍະເວລາ 2 ວັນ ເຫັນໄດ້ວ່າການແຂ່ງຂັນແມ່ນມີ ຄວາມເບິກບານມ່ວນຊື່ນ ຖືກຕ້ອງ ຕາມກະຕິກາ ສົມສັກສີ ມີຄວາມບໍລິສຸດ ຍຸຕິທຳ ຮູ້ແພ້ ແລະ ຮູ້ຊະນະໃນເກມກິລາ . ຄະນະຈັດງານໄດ້ສະຫລຸບປະເພດຂັນລາງວັນ ແລະ ຈັດລຳດັບທີດັ່ງນີ້ :

– ສະມາຄົມຄົນພິການແຫ່ງຊາດລາວ ໄດ້ອັນດັບທີ່ 1 ເຊິ່ງຍາດໄດ້ຂັນລາງວັນປະເພດ 1 ໄດ້ຈຳນວນ 3 ຂັນ ລວມທັງໝົດ 3 ຂັນ

– ສະມາຄົມຄົນພິການແຫ່ງຊາດລາວ ສາຂາແຂວງ  ເຊກອງ  ໄດ້ອັນດັບທີ່ 2 ເຊິ່ງຍາດໄດ້ຂັນລາງວັນ ປະເພດ 1 ໄດ້ຈຳນວນ 2 ລາງວັນ ແລະ ຂັນລາງວັນ ປະເພດ 3 ໄດ້ 1 ຂັນ ລວມທັງໝົດ 3 ຂັນ.

– ສະມາຄົນພິການພິການແຫ່ງຊາດ  ແຂວງ ອຸດົມໄຊ ໄດ້ອັນດັບທີ່ 3 ເຊິ່ງຍາດໄດ້ຂັນລາງວັນ ປະເພດ 1 ໄດ້ຈຳນວນ 1 ລາງວັນ, ຂັນລາງວັນ ປະເພດ 2 ໄດ້ 3 ຂັນ ແລະ ຂັນລາງວັນ ປະເພດ 3 ໄດ້ 1 ຂັນ ລວມທັງໝົດ 5 ຂັນ.

ຫລັງຈາກນັ້ນ ທ່ານ  ຄຳຫລ້າ ລີ້ງນະສອນ ເຈົ້າແຂວງອຸດົມໄຊ ໄດ້ໃຫ້ກຽດຂື້ນກ່າວປະກອບຄຳຄິດຄຳເຫັນ ແລະ ກ່າວປິດງານບຸນມະໂຫລານກິລາຄົນພິການທົ່ວປະເທດ ຄັ້ງທີ່ 2 ໃນຄັ້ງນີ້ຢ່າງເປັນທາງການ. ການແຂ່ງຂັນກິລາຄົນພິການດັ່ງກ່າວໄດ້ສຳເລັດລົງດ້ວຍຄວາມເບີກບານມ່ວນຊື່ນ ແລະ ຕື້ນຕັນໃຈຂອງບັນດານັກກິລາວ ຜູ້ຊົມ ແລະ ພາກສ່ວນທີ່ໃຫ້ການສະໜັບສະໜູນ

Country Festival Sports with Disabled Persons in Oudomxay Province on 29-30/01/2015